Մարքեթինգային ցանկացած գործընթացում նպատակների սահմանումը հիմնաքարային է։ Եթե նպատակն անորոշ է, այն կարող է վերածվել պարզապես տեսլականի՝ ցանկության, որը զուրկ է իրականացման կոնկրետ քայլերից։ Սակայն ճիշտ սահմանված նպատակները՝ հիմնված SMART մեթոդի վրա, կարող են վերածվել ձեր բիզնեսի աճի ու հաջողության բանալու։

SMART մեթոդի էությունը

SMART մեթոդը հնարավորություն է տալիս նպատակների սահմանման սկզբում ամփոփել առկա ողջ ինֆորմացիան, որոշել ռեսուրսների ծավալը և թիմակիցներին տալ հստակ, ճշգրիտ առաջադրանքներ։ Այս մեթոդը հապավում է՝

Specific (հատուկ),

Measurable (չափելի),

Achievable (իրագործելի),

Relevant (համապատասխան)

Time-bound (ժամանակային սահմանափակում):

S – Specific (Կոնկրետ)

Հստակություն՝ այս է նախապայմանը նպատակներին հասնելու։ Այն պետք է լինի հատուկ և հստակ ձևակերպված, որպեսզի բոլորը, ովքեր մասնակցում են այդ նպատակի իրականացմանը, հասկանան, թե ինչ արդյունքի են ձգտում։ Օրինակ՝ «Ավելացնել X ապրանքի վաճառքը 20%-ով առաջիկա վեց ամիսների ընթացքում»։

M – Measurable (Չափելի)

Հաջողությունը չի կարող գնահատվել առանց չափելիության։ Սա այն մաս է, որտեղ սահմանում եք կոնկրետ ցուցանիշներ, որոնք ցույց են տալիս՝ նպատակին հասել եք, թե ոչ։ Այստեղից է գալիս բիզնեսում կարևորագույն հարցը՝ «Ե՞րբ կհամարվի նպատակը կատարված»։

A – Achievable (Իրագործելի)

Նպատակները պետք է լինեն իրատեսական։ Անհավանական նպատակները կարող են բացասական ազդել աշխատակիցների մոտիվացիայի վրա և վատնել ռեսուրսները։ Հարկավոր է հաշվի առնել ձեր թիմի փորձը, ռեսուրսները և պայմանները՝ համոզվելու համար, որ ձեր նպատակները իրագործելի են։

R – Relevant (Համապատասխան)

Նպատակները պետք է լինեն համահունչ ձեր բրենդի տեսլականին ու ռազմավարությանը։ Օրինակ, եթե ձեր ընկերությունը նոր է շուկայում և դեռևս չունի ճանաչելիություն, ապա ձեր առաջնային նպատակը պետք է լինի ապրանքանիշի ճանաչելիության բարձրացումը, այլ ոչ թե անմիջապես վաճառքի ռեկորդներ սահմանելը։ Այսպիսով, ձեր նպատակները կաջակցեն բիզնեսի ընդհանրական տեսլականին, նպաստելով երկարաժամկետ հաջողության ապահովմանը։

T – Time-bound (Ժամանակով սահմանված)

Որևէ նպատակ սահմանելիս կարևոր է սահմանել վերջնաժամկետներ։ Ժամանակային սահմանափակումները թույլ են տալիս կենտրոնանալ և կառավարվել պրոցեսը՝ երաշխավորելով, որ նպատակին կհասնեք ճիշտ ժամկետում։

SMART նպատակները բիզնեսի և մարքեթինգի հաջողության անփոխարինելի գործիքներ են։ Դրանք ոչ միայն հնարավորություն են տալիս ճիշտ սահմանել նպատակները, այլև ապահովում են դրանց հասնելու հստակ և արդյունավետ ուղիներ։ Սկսեք այսօր, սահմանեք ձեր SMART նպատակները, և հաջողությունը սպասեցնել չի տա։