Ժամանակակից բիզնեսի աշխարհում տեքստային բովանդակությունը դարձել է անփոխարինելի գործիք։ Անկախ բիզնեսի մասշտաբներից կամ ոլորտից, ընկերությունները մշտապես օգտվում են կոմերցիոն տեքստային բովանդակությունից՝ իրենց ապրանքներն ու ծառայությունները ներկայացնելու, շուկայի ուշադրությունը գրավելու և հաճախորդների հետ վստահելի ու երկարաժամկետ կապեր հաստատելու համար։ Բայց ո՞վ է կանգնած այս կոմերցիոն տեքստերի ստեղծման հետևում և ինչո՞ւ է այն այդքան կարևոր։ Խոսենք կոմերցիոն գրողի և բիզնեսում նրա դերի մասին։

Ինչո՞ւ է բիզնեսին անհրաժեշտ տեքստեր

Տեքստային բովանդակությունը կամուրջ է բիզնեսի և նրա լսարանի միջև։ Ճիշտ ընտրված բառերը կարող են գրավել ընթերցողի ուշադրությունը, հետաքրքրություն առաջացնել և դրդել գործողության։ Տեքստային բովանդակությունը խաղում է կարևոր դեր ժամանակակից բիզնեսում՝ մի շարք պատճառներով.

Թիրախային լսարանի ուշադրության գրավում

Տպավորիչ և հիշվող տեքստերն օգնում են առանձնանալ մրցակիցներից և հետաքրքրել պոտենցիալ հաճախորդներին։

Հաճախորդների տեղեկացում և կրթում 

Տեքստերի միջոցով հնարավոր է տեղեկացնել հաճախորդներին ապրանքների կամ ծառայությունների մասին և կրթել նրանց՝ ձևավորելով ճիշտ մոտեցում բրենդի նկատմամբ:

Վստահության և հավատարմության ձևավորում

Լավ կառուցված տեքստերը մեծացնում են հաճախորդների վստահությունը բիզնեսի նկատմամբ, իսկ դա բերում է հավատարիմ հաճախորդների ավելացման:

Վաճառքների և կոնվերսիաների խթանում

Տեքստերը կարող են ուղղակիորեն խթանել վաճառքները՝ գործողության կոչ անելով, ինչպես օրինակ՝ գնել, բաժանորդագրվել կամ պատվիրել։

Ո՞վ է կոմերցիոն գրողը

Կոմերցիոն գրողը մասնագետ է, ով ստեղծում է տեքստեր բիզնեսի և մարքեթինգի նպատակների համար։ Նպատակն է՝ վարպետորեն համադրել բիզնեսի նպատակներն ու լսարանի կարիքները։ Նրա հիմնական խնդիրն է գրել բովանդակություն, որը կօգնի ընկերությանը հասնել իր նպատակներին՝ լինի դա վաճառքի ավելացում, բրենդի ճանաչելիության բարձրացում, թե նոր հաճախորդների ներգրավում։

Ի տարբերություն լրագրողների, ովքեր կենտրոնանում են օբյեկտիվ տեղեկատվության հաղորդման և վերլուծության վրա, կոմերցիոն գրողները ստեղծում են տեքստեր, որոնք ուղղված են կոնկրետ բիզնես-արդյունքների հասնելուն։ Նրանց աշխատանքը պահանջում է ստեղծագործական մոտեցում, մարքեթինգի հիմունքների իմացություն և թիրախային լսարանի խորը ըմբռնում։

Կոմերցիոն գրողի մասնագիտացումները

Կոմերցիոն տեքստեր գրելու ոլորտում կան մի քանի հիմնական մասնագիտացումներ.

Քոփիռայթեր / Copywriter

Գրում է գովազդային տեքստեր, սլոգաններ և նպատակային գործողության դրդող կոչեր։

Կոնտենտ ռայթեր / Content writer

Ստեղծում է օգտակար բովանդակություն լսարանին ներգրավելու և պահպանելու համար։

Ռեռայթեր / Rewriter

Վերամշակում է գոյություն ունեցող տեքստային բովանդակությունը՝ այն բարելավելու կամ նոր կոնտեքստին հարմարեցնելու համար:

Տեխնիկական գրող

Մշակում է տեխնիկական փաստաթղթեր և ուղեցույցներ (կայքերի, հավելվածների, այլ)։

SEO քոփիռայթեր / SEO copywriter

Գրում է կայքի համար տեքստեր՝ օպտիմիզացված որոնողական համակարգերի համար։

Գովազդային հոլովակների սցենարիստ

Ստեղծում է սցենարներ վիդեո և աուդիո գովազդի համար:

Քոփիռայթեր (Copywriter) VS Կոնտենտռայթեր (Content writer)

Քոփիռայթերը տեքստերի միջոցով ուղղակիորեն խթանում է վաճառքները, իսկ Content writer-ը ստեղծում է տեղեկատվական բովանդակություն՝ լսարանի հետ երկարաժամկետ հարաբերություններ կառուցելու համար։

Քոփիռայթինգ.

• Նպատակն է համոզել և դրդել գործողության

• Կենտրոնանում է վաճառքի և մարքեթինգի վրա

• Սովորաբար կարճ է և դիպուկ

• Օգտագործում է էմոցիոնալ ոճ և համոզիչ լեզու

• Օրինակներ են՝ գովազդային տեքստեր, սոցցանցերի գրառումներ, վաճառքի նամակներ, կարգախոսներ

Կոնտենտ ռայթինգ

• Նպատակն է տեղեկացնել և կրթել

• Կենտրոնանում է արժեքավոր տեղեկատվության տրամադրման վրա

• Սովորաբար ավելի երկար և մանրամասն է

• Օգտագործում է փաստեր, վիճակագրություն և օբյեկտիվ տոն

• Օրինակներ են՝ բլոգի հոդվածներ, էլեկտրոնային գրքեր

Հիմնական տարբերությունն այն է, որ քոփիռայթինգը նպատակ ունի անմիջականորեն առաջ մղել վաճառքը, մինչդեռ կոնտենտ ռայթինգը նպատակ ունի ստեղծել վստահություն և հեղինակություն՝ տրամադրելով օգտակար տեղեկատվություն:

Կոմերցիոն տեքստերի տեսակները ըստ տարբեր բիզնես-խնդիրների

Կոմերցիոն գրողները ստեղծում են տարբեր տեսակի տեքստեր՝ կախված բիզնեսի կոնկրետ նպատակներից.

Գովազդային տեքստեր

Հայտարարություններ, բաներներ, սլոգաններ, գովազդային նյութեր։

Սոցիալական մեդիայի բովանդակություն

Գրառումներ, սթորիներ, մեկնաբանություններ, հեշթեգներ։

Վեբ-կոնտենտ

Կայքերի տեքստեր, ապրանքների և ծառայությունների նկարագրություններ, բլոգի հոդվածներ։

Email-մարքեթինգ

Նամակներ, տեղեկագրեր, հատուկ առաջարկների և նորությունների ծանուցումներ։

Տեղեկատվական նյութեր

Ուղեցույցներ, զեկույցներ, ինֆոգրաֆիկաներ։

PR տեքստեր

Մամուլի հաղորդագրություններ, ընկերության նորություններ, հրապարակային հայտարարություններ։

Վիդեո և աուդիո բովանդակության սցենարներ

Գովազդային հոլովակների, փոդքաստների սցենարներ։

Քեյսեր

Հաջողված նախագծերի, աշխատանքների նկարագրություններ, հաճախորդների արձագանքներ և արդյունքների ներկայացումներ։

Հարցազրույցներ

Զրույցներ փորձագետների, աշխատակիցների կամ հաճախորդների հետ։

Ինչ հմտություններ են անհրաժեշտ կոմերցիոն գրողին

Հաջողակ կոմերցիոն գրողը պետք է տիրապետի հետևյալ հիմնական հմտություններին.

Գրավոր գրագիտություն և ոճաբանություն
Մտքերը հստակ և գեղեցիկ արտահայտելու ունակություն։

Վերլուծական մտածողություն

Տեղեկատվությունը վերլուծելու և խորքային եզրակացություններ անելու կարողություն։

Կրեատիվություն և գաղափարներ գեներացնելու ունակություն 

Ուշագրավ և հիշվող տեքստերի ստեղծում։

Տեղեկատվության հետ աշխատելու ունակություն 

Տվյալների որոնում և մշակումը բարձրորակ բովանդակության համար։

Մարքեթինգի և բիզնես-գործընթացների ըմբռնում։

Նպատակային լսարանի կարիքների և բիզնես նպատակների փոխըմբռնման աշխատանք։

Հաղորդակցման հմտություններ

Պատվիրատուի հետ արդյունավետ համագործակցություն՝ լավագույն արդյունքների հասնելու համար։

Տեքստեր բիզնեսի՞, թե՞ մարդկանց համար

Կոմերցիոն գրողի առանցքային խնդիրներից մեկը հավասարակշռության գտնելն է բիզնեսի նպատակների և լսարանի կարիքների միջև։ Նման ռազմավարական մոտեցումը բարձրացնում է հաղորդակցության արդյունավետությունը և խորացնում հարաբերությունները հաճախորդների հետ։

Արդյունավետ կոմերցիոն տեքստը պետք է՝

– Ուղղված լինի թիրախային լսարանին՝ հաշվի առնելով նրանց հետաքրքրությունները, կարիքները և ցավոտ կետերը։

– Լուծի բիզնեսի առջև դրված խնդիրները՝ լինի դա վաճառքի ավելացում, բրենդի ճանաչելիության բարձրացում, թե այլ նպատակ։

– Ստեղծի արժեք երկու կողմերի համար՝ տրամադրելով օգտակար տեղեկատվություն հաճախորդներին և միաժամանակ նպաստելով բիզնեսի աճին։

Կոմերցիոն գրողը ժամանակակից բիզնեսի կարևոր մասնակից է, ով օգնում է ընկերություններին արդյունավետ հաղորդակցվել իրենց լսարանի հետ։ Նրա աշխատանքը պահանջում է ստեղծագործական մտածողության, վերլուծական հմտությունների և մարքեթինգի ըմբռնման յուրահատուկ համադրություն։ Բիզնեսի աճող մրցակցության պայմաններում որակյալ տեքստային բովանդակությունը դառնում է ավելի ու ավելի կարևոր, ինչը բարձրացնում է կոմերցիոն գրողների դերը շուկայում։

Եթե ցանկանում եք բարձրացնել Ձեր բիզնեսը նոր մակարդակի, պրոֆեսիոնալ կոմերցիոն գրողի հետ համագործակցությունը կլինի լավագույն քայլերից մեկը դեպի հաջողություն։